篇幅所限，冇提佢係潛在盈喜股，回落咗咁多，有唔錯值博率
//
首程控股（697）前稱首長國際，係老牌紅籌，老一輩的投資者見到，都耍手擰頭話難炒，以前主業係做焦煤，但在幾年前決定轉型，發展停車場業務及私募基金，去年改名兼合股，表現算做有交代，由3月低位倍升，同時亦引入京東（9618）、厚樸及新創建（659）作股東，陣容鼎盛。戰友可能會話，喂！隻股高位回吐近三成，咁弱好難搞喎，但只要你細讀中期業績，又會發現兩個英文字，今次不是Tesla喇，係LI，這個是美股代號，即係早前炒到飛天的理想汽車。
原來首程在理想汽車上市前參與過融資，是旗下的私募基金領投的，理想汽車在去年7月上市，上市價係11.5美元，周二晚的收市價係35.44美元，升兩倍，咁你話嗰啲上市前入股的基金股東，絕對唔止賺兩倍啦，首程在業績都透露，在往後的基金退出期，會為公司帶來超額收益，青冰搵過料，首程的私募基金在三輪融資中，斥資約7億人仔，咁倍升呢條數就相當襟計喇。
//
https://hk.appledaily.com/finance/20210121/Y374YQPCCNA3XFNRPGYTDOYAT4/
Search